وين نروح
أضخم مساحة لعب للأطفال بالشام: باونس هو العنوان!
بدك مكان يخلي طفلك يعيش لحظة فرح حقيقية؟ عم تدور عشي بيجمع بين اللعب، الحركة، الأمان، والمتعة؟ باونس هو العنوان بالشام يلي عم يغير مفهوم الترفيه بالشام، ليكون عالم متكامل للأطفال، من الصغار كتيربعمر السنتين لعمر 15 سنة، وكل زاوية فيه مصممة لتخلي الأطفال يضحكوا يلعبوا… والأهل يرتاحوا
لكل عمر لعبته… ولكل طفل مساحته
بـ باونس بالشام، في مساحة خاصة للأطفال الصغار من عمر سنتين لتلت سنين، مع مشرفات مختصات موجودين كل الوقت، بيراقبوا، بيلعبوا مع الصغار، وبيخلوا كل شي آمن ومريح.
وإذا الولد أكبر؟
في ألعاب تسلّق مو موجودة غير بهالمكان، متاهة جواتها أنشطة حركية ممتعة،ترامبولين بيخلي الأطفال يطيروا من الفرح،زيب لاين بيخليهم يحسوا حالهن أبطال، ساحة رياضية للركض واللعب بالكرة، جدار رمي الفؤوس… مغامرة مختلفة وآمنة بنفس الوقت و تحديات متنوعة ، ومرح بكل متر.
تجربة الواقع الافتراضي؟ هون بلّشت المغامرة!
بطابق كامل مخصص لـ VR، الولد بيلبس النظارات… وببلّش الأكشن. من سباق السيارات، للعميل الخارق، للتصويب. كل لعبة فيها خيال ومرح وتحدي، وبتخلي الطفل يعيش القصة كأنها حقيقة.
غزل البنات؟ مو متل ما بتعرفوه!
في آلة غزل البنات بـ باونس بالشام، بس مو عادية… فيك تختار من أكتر من خمسين نكهة، لون، وشكل! وكل طفل بيعمل الغزلة متل ما بدو، بإيده وبمساعدة الفريق.
نظافة؟ أمان؟
قبل ما يفوت الولد، بياخد جرابات معقّمة خاصة، كل المساحات فيها كاميرات مراقبة، وكل شي معقّم بشكل يومي. يعني الطفل بيلعب وانت مرتاح، والأحلى انو باونس قريب من كافيهات راقية، يعني فيك تروق وتترك ابنك يلعب براحتو.
ليش باونس؟
لأنو هو المكان يلي جمع:الأمان، المتعة، الحركة، التكنولوجيا، والنظافة… تحت سقف واحد
العنوان: بوليفارد – الفورسيزون- دمشق
للاستفسار 0967555089
باونس… هو مساحة فرح لكل طفل، ومكان راحة لكل أم وأب.
زوروا وخلوا اطفالكم يستمتعوا بكل لحظة.
انبسطت بهالمقال؟ تأكد تزور قسم #وين نروح على موقعنا لتشوف المزيد!