كول وشكور
جديد البرغر بالشام: مطاعم مبتكرة وشاحنة برغر لازم تجربوها!
إذا كنت مفكّر إنو البرغر مجرد وجبة سريعة، فحضّر حالك تغيّر فكرتك كلياً… بالشام اليوم، في عالم تاني لـ البرغر، عالم مليان نكهات مبتكرة، أفكار جديدة، وتقديم بيخلي كل سندويشة تجربة لحالها!
1. الشاحنة الكبيرة
الفكرة؟ عصرية وجريئة! الستايل؟ شاحنة كبيرة . المضمون؟ كل برغر فيها توازن بالنكهات، و محضرة من مكونات فريش، من اللحم للخبز، وبينهم صوصات مبتكرة بتخلي الطعم ما بينتسى
العنوان: طلعة آمرية الطيران – مقابل السفارة الإماراتية
0113318585 / 0113318584
2. دكتور برغر
إذا بتفكّر إنو البرغر ما بينوصف إلا بـ”طيّب”، استنى لتدخل عالم الدكتور بالشام! كل سندويشة اسمها متل وصفة علاج… بس علاج للجوع وللنفسية. النكهات غنية، والأفكار مبتكرة، والديكور بيخليك تحس حالك بعيادة بس مخصصة لعشاق البرغر!
العنوان:مزة مول – دمشق
0959238777
3. زوربا
نكهة فيها حكاية… برغر زوربا بالشام مميز ببساطته وأناقتو بنفس الوقت. طراوة الخبز، سوا مع تتبيلة اللحم، بيفرِض حضور ما بينتسى. هيك سندويشة بتقدر تاكلها كل يوم… وما تزهق.
العنوان: ساحة الميسات – جانب وزارة الأوقاف
0937774403 / 0114466159
جديد البرغر بالشام مو بس طعمة، هو أسلوب… ستايل… وروح جديدة!
وهالخيارات هي كل شي بدك يا لتعيش نكهة البرغر على أصولها.
القرار بإيدك: بأي واحد حتبدا؟
عجبك هالمقال عن: جديد البرغر بالشام: مطاعم مبتكرة وشاحنة برغر لازم تجربوها؟ تأكد تزور قسم #كول-وشكور على موقعنا لتشوف المزيد!