اطيب الاكلات الحلبية العريقة على سفرة دمشقية أنيقة مطعم الحلبي بدمشق

بفندق الفور سيزن بدمشق، وبأجواء بتجمع بين الفخامة والرُقي، بيستقبلك مطعم الحلبي بنكهات حلبية اصيلة وبضيافة شامية عصرية. كل زاوية بالمكان بتحكي عن أناقة وعراقة، وكل طبق بينحط عالطاولة بيحكي عن تاريخ مطبخ الشهباء المتنوع واللذيذ.

ديكور حلبي بالشكل والروح

من أول ما تدخل، بتشعر إنك بعالم خاص. لمسة حلبية فخمة، ديكور أنيق، إنارة دافية، وجو بيفتح النفس. الطاولات مرتبة بطريقة بتخلي القعدة مريحة وراقية، والخدمة بتكمّل الصورة: ابتسامة، اهتمام، وضيافة من القلب.

الفطور… بداية بتشهي

الصبح عند مطعم الحلبي بدمشق قصة تانية. هو بداية جديدة بطابع شرقي شهي مع الاكلات الحلبية بدمشق. فطورهم بيجمع بين الأصيل والمنوّع:

• حواضر شامية متل اللبنة، الزعتر، الجبنة، المكدوس، الزيتون.
• فلافل مقرمشة وسخنة.
• فول ومسبحة وفتات معمولة عأصولها.
• معجنات منوعة سخنة وطيبة.
• بيض بخلطات مميزة.

بوفيهات الحلبي… ذوق وأناقة 

بمطعم الحلبي، تجربة البوفيه مو عادية أبداً.
من بوفيهات الفطور الصباحية يلي بينعملوا خصيصاً للسيدات أو للجمعات الخاصة، لأوقات البرانش الطويلة يلي بتجمع بين الفطور والغدا، القعدة هون بتاخدك لعالم تاني من الراحة والذوق.

واذا كنت جاية مع العيلة في ركن خاص ومجهّز للأطفال، ليلعبوا ويتسلوا بأمان.

والمفاجأة؟ أوقات بيقدملك بوفيه حلويات كامل، من أفخم وأطيب الأصناف الشرقية والغربية، لتختم زيارتك بلقمة حلوة على أصولها.

مقبلات باردة وسخنة… بداية بتوعد

قبل الوجبة الرئيسية، الطاولة بتتزيّن بتشكيلة مقبلات بتعكس تراث حلب:

• حمص مع لحمة، متبل ناعم ومدخّن، محمرة حلبية ولا أطيب
• يالنجي، زهرة مقلية مع طحينة، صفيحة، كبة مقلية، سمبوسك بالجبنة
• وسلطات منعشة متل التبولة والفتوش

كل صنف معمول بإتقان، وبطابع حلبي راقي.

المشاوي والأكلات الحلبية الأصيلة بدمشق

المشاوي عندن حديث تاني،اللحمة طرية ومتبّلة بتوابل حلبية بتشهي.

• الكباب الحَلَبي او كباب بانجان مشوي عالفحم ومقدم بطريقة فنية.
• كل سيخ لحالو قصة… من الشيش للريش للمشاوي المشكلة.

وفيك تختار من أكلات معروفة مثل:

• كبة سماقية على أصولها
• الكبّة اللبنية مع رز
• لحمة بكرز او نقانق حلبية على أصولها

وغيرها من الأصناف يلي كل لقمة منها بتحكي تراث حلب العريق.

الخبز؟ فريش، سخن، ومن فرنهم الخاص

الخبز عندن طالع دغري من الفرن، بأنواع بتناسب كل وجبة وكل مزاج. طراوة وطعم بيكملوا الطبق على الأصول.

الحلا؟ مسك الختام الحَلَبي

الحلويات يلي بتتقدم عند الحلبي هي تحف فنية حقيقية:
متل :بقلاوة مع فستق حلبي فاخر،عش البلبل، عصملية، حلاوة الجبن..

كل قطعة حلا هي تجربة كاملة من النكهة والرقي.

📍 موقع : فندق الفورسيزن – دمشق
مطعم الحلبي بدمشق هو تجربة راقية من بدايتها لنهايتها، مناسبة لغدا عائلي، عزيمة رسمية، أو حتى وجبة بتدلع حالك فيها.
هون مو بس بتاكل أطيب الاكلات الحلبية بدمشق… بتعيش نكهة حلب، بس على أرض الشام.

انبسطت بهالمقال ؟ تأكد تزور قسم #كول-وشكور على موقعنا لتشوف المزيد!