مطعم حد الشباك… لما الشام تصير كلها قدامك بإطلالة ولا أحلى!

مو كل يوم فيك تعيش لحظة فطور، غدا أو عشا وإنت قاعد قبال قاسيون، بإطلالة بانورامية عكل الشام بتخليك تعيش لحظة سحرية بس بـ مطعم حد الشباك، هالشي ممكن!

هون من الطابق الـ11 بفندق بلو تاور بشارع الحمرا، بتلاقي القعدة يلي بتحكي لحالها. الشمس، والهوا، والإطلالة، والمود الدمشقي الأنيق… بيكملوا بأطباق معمولة عالأصول، وبدلال بيليق بالشام وأهلها.

فطور بيفتح النفس عند مطعم حد الشباك

الصبح بيبلش بـ ست منيو فطور شامي اصيل : لبنة، زيتون، بيض، جبنة، حمص، فول، وزيت وزعتر… وكل هالاصناف على طاولة بتطل عالشام كلها. وفيك تطلب فطور مو تقليدي متل صحن بيض سجق، بيض نقانق، شكشوكة، فته، معجنات، ومشروبات سخنة بتصحيك على مزاج رايق.

والمفاجأة؟ أحياناً بتكون الاجواء الصباحية مزينة بعزف عود حي… وساعتها الفطور بيصير لحظة ما بتننسى وبتزيد التجربة دفى وسحر، وبترجعك لأيام الزمن الحلو.

مشاوي وأطباق بتشهي

من كباب حلبي لكباب أضنا، من شيش طاووق لفروج مشوي، من مشاوي مشكلة لسوشي كباب وغيرهن كتير… الأكل هون بيتحضر بأجود المكونات، وبيتقدملك بأحلى طريقة.

وعندك أطباق بتعنيلك اللذة والنغنغة متل شاكرية، كبة لبنية ، شيش برك، يبرق،فريكة، اسكالوب بانيه ومقبلات باردة وسخنة من كل الأصناف.

والسلطات؟ من فتوش وتبولة لسلطة السيزر، وسلطات ارمنية وشرقية… لكل ذوق في شي بيليق فيه.

حلويات ومشروبات بتعدل المزاج

من بعد الأكل، فيك تختمها بـ تشيز كيك، تيراميسو، كاستر، أو حتى براونيز وسوكسيه…
والمشروبات ساخنة او باردة؟ من القهوة التركي، لنسكافيه، لعصير الفواكه الطبيعي، ميلك شيك، فرابيه، كوكتيلات… الطاولة بتضل ملونة، و بأطيب النكهات.

المكان: دمشق – شارع الحمرا – فندق بلو تاور – الطابق 11
للحجز 0959911888

مطعم حد الشباك بالشام هوي نقطة لقاء بين الشام والذوق العالي، بين المود والأكل الطيب، وبينك وبين لحظة ما رح تنتسى بإطلالة بترد الروح.

انبسطت بهالمقال؟ تأكد تزور قسم #وين نروح على موقعنا لتشوف المزيد!