وين نروح
لو كراج : عالم ترفيهي متكامل مليان ألعاب وحماس بدمشق
إذا كنت من الناس يلي بتحب تغير جو، تفرغ طاقة، وتعيش لحظات حماس وترفيه و ألعاب عنجد ما بتنتسى، فـ لو كراج بدمشق هو المكان يلي لازم تزورو. بقلب ماسة بلازا مول ، بتدخل على عالم ترفيهي متكامل مليان ألعاب، تحديات، وضحك من القلب، و أجواء شبابية مليانة حماس وتحدي بكراج عصري ورايق مليان طاقة، وأدرينالين، ورفقات، ومنافسة بتخليك تنسى الوقت.
البلياردو… للي مزاجه رايق وبيحب الضربات الذكية
عندك لعبة كلاسيكية، فيها تكتيك وتركيز.
ضربة هون، ضحكة هنيك، ومنافسة بتشدك أكتر ما كنت متوقع.
الطاولات مرتبة وبتليق بلعب محترف أو حتى هاوي مبتدئ .
بينغ بونغ… سرعة وإثارة بكل ضربة
الطابة عم تطير بين الطاولتين بسرعة البرق، وإنت ورفيقك عم تحاولوا تكسروا الروتين بـ “ماتش” حماسي.
صوت الطابة لحالو بيكفي يحمسك، واللعبة بتنعاد مرة ورا مرة لأنو المتعة فيها ما بتخلص.
لعبة الفيشة… فينا نسميها لعبة القلوب القوية!
هي اللعبة يلي بتشد الكل، من الصغير للكبير.
بتوقف قدام الطاولة، وبتحس حالك على أرض الملعب…
كل لاعب بالفريق فجأة بيصير “ميسي” الطاولة ، والهدف؟ تسجل جول قبل ما يخطفوها منك!
البولينغ… اللعبة يلي بتحمسك من أول سترايك!
بتلبس الحذاء المخصص، بتمسك الكرة، وبتبلش التركيز…
كل رمية هون إلها وزن، وكل سترايك بيغير جو التحدي.
الصالات مجهزة عالتمام، وكل التفاصيل بتخليك تعيش لحظة المنافسة كأنك ببداية دوري محترفين.
العاب الورق (الشدة)… اللمة الحلوة
جلسات الشدة يلي ما بتكمل القعدة بلاها، وكل لعبة بتخلق قصص وضحك بينك وبين رفقاتك.
من التريكست للطرنيب وللجوكر، التحدي بيولع والحماس بيزيد!
الكافيه… استراحة المحاربين
بعد اللعب، القعدة بالكافيه بتكمل الجو.
شاشات كبيرة، بتحضر المباريات العالمية أو بتطلب المرطبات مثلا
كوكتيلات، عصائر، قهوة، وشاي… كلشي متوفر ليختملك المشوار بمزاج حلو.
الموقع: ماسة بلازا مول – الميدان – الطابق -٤
للاستفسار 0993422333
كيف ما كان مودك لو كراج بيعدلو!
لو كراج… صالة الألعاب يلي بتحول كل لحظة لمغامرة، وكل جمعة مع الرفقات لذكرى بتضل تنعاد.
جمع رفقاتك، وعيشوا نهار ما بيتكرر!
انبسطت بهالمقال عن لو كراج المليان ألعاب مسلية بدمشق؟ تأكد تزور قسم #وين نروح على موقعنا لتشوف المزيد!