فطور عالتنور من قلب الضيعة بمطعم خالتي أم باسل

ما في أطيب من ريحة خبز طالع من التنور، ولا في ألذ من لقمة معمولة بإيدين ست بيت شامية وهيك فطور ممن الضيعة ما بتلاقيه غير عند مطعم خالتي أم باسل بـ مضايا، مطرح اللمة الطيبة، والهوى النضيف، والمذاق الأصيل يلي بيرجعك لأيام الضيعة.

خبز مشروح وإيدين بتحكي خبرة سنين

أول شي بيفتح نفسك قبل الأكل، ريحة الخبز المشروح عم ينخبز عالتنور. ريحة بتغلب كل ريحة، وبتناديك تقعد وتدوق اطيب لقمة.

الخبز هون ما بينعجن وبينخبز… الخبز هون بيتدلل. مخبوز عالتنور، سخن، طري من جوا، وبيقرمش من برا. كل رغيف بيتحضر بإيدين خالة ام باسل وبنفسها الطيب المعروف بكل مضايا.

منقوشة عالأصول

المعجنات هون مو متل أي مكان…عندن زعتر، محمرة، جبنة، قشقوان، مرتديلا، شنكليش، لبنة، أو كشكة حتى مناقيش شوكولا! وإذا بدك شي مختلف، في خلطات خاصة، متل قشقوان مع زعتر أو مع محمرة. كل شي بيتحضر بنفس اللحظة وبيطلع من التنور دغري عصحنك.

الطاولة عامرة من أول لقمة

الفطور ما بيكمل بدون الحواضر الشامية:
مكدوس، قريشة، لبنة، زيتون، مرتديلا، مربيات بيتية مشكلة، مسبحة، جبنة…
كلها شغل بيت، من إنتاج خالة ام باسل ، وكل تفصيل في نكهة بتضل ببالك.

أجواء ما بتنشرح… بتنحس!

ما في شي بيشبه القعدة هنيك..
الطاولة والكراسي البسيطة، والشاي بيغلي عالفحم، ولقمة سخنة من التنور.
حواليك خضرة و ورد، و صوت العصافير من بعيد، وجمال الجبال قدامك.
ما في تكلف، وما في ضجيج… في انت، وفطورك، والطبيعة الرايقة.

التوصيل متاح وين ما كنت بالشام وريفها

إذا كنت بالشام أو حواليا، وما فيك تطلع عالمطعم، المطعم بيوصل لعندك كل شي فريش:
منتجات بيتية، مربيات بأنواعها، فطور حواضر بيتي، معجنات،مونة موسمية، ورق عنب، خل تفاح، دبس رمان، بيتحضر بحب وبيوصلك لباب بيتك.

للطلب أو الاستفسار 0997493191
العنوان : طريق سهل الزبداني، مضايا – الطريق العام

جرب الفطور عند مطعم خالتي أم باسل، وساعتها بتعرف شو يعني لقمة معمولة بمحبة، ومكان بتضلك حابب ترجعلو.

انبسطت بهالمقال عن فطور الضيعة بمطعم خالتي أم باسل؟ تأكد تزور قسم #وين نروح على موقعنا لتشوف المزيد!