وين نروح
سوسيت: أول مطعم بدمشق بإدارة فريق متلازمة الحب
إذا كنت عم تدور على مكان في أكل لذيذ، أجواء ايجابية، وروح مختلفة، مطعم سوسيت في دمشق هو التجربة المميزة يلي لازم تعيشها. هالمطعم مو بس بيقدملك أطيب أكل، هو مكان فيه حب حقيقي، فيه ابتسامات بريئة وقلوب مليانة أمل.. وبيعتبر أول مطعم في سوريا يدار من قبل أفراد من ذوي متلازمة داون.
الفريق العامل في سوسيت بيقدم لك تجربة مليانة بالحب والطاقة الإيجابية. الابتسامة على وجوههم بتعطيك إحساس بالترحيب والسعادة، وكل عمل بيقوموا فيه هو دليل على قدرتهم على النجاح والإبداع.
هدف هالمكان مو بس تقديم أطيب الأطباق، بل كمان تقديم رسالة حب وأمل لكل الزوار.
الطبيعة والراحة بأجواء رايقة
ديكور مطعم سوسيت في دمشق بيمزج بين البساطة والأناقة، الكافيه على شكل كوخ خشبي، بيجمع بين الراحة والأجواء الدافية، وبيخليك تحس أنك بمكان رايق بعيد عن ضغوط الحياة، أما القعدة الخارجية على الطاولات والكراسي الخشبية بتعطيك إحساس بالسعادة والنقاء وسط أحضان الطبيعة الخلابة.
رسائل محبة مع كل لقمة:
كل شخص في سوسيت، من فريق العمل، بيقدم لك الأكل بابتسامة وقلوب مليانة أمل وحب للحياة. رسالتهم بسيطة وواضحة: “نحن قادرين نكون جزء من المجتمع، ونشتغل متل أي شخص تاني “. المطعم هو فرصة الهم ليعبروا عن أنفسهم، ويظهروا للعالم إنهم قادرين على الإبداع والعمل الجاد.
أطباق غنية بالنكهات الشرقية والغربية
سوسيت بيقدم مزيج من الأطباق الشرقية والغربية اللي بتجمع بين الطعم الشامي الأصيل واللمسات العصرية. الأطباق عندهم متنوعة ولذيذة وكل واحد فيها اطيب من التاني .
الاصناف المتوفرة عندهم :
- المقبلات: حمص ، متبل، فتات، برك بالجبنة، يالنجي، شوربة.
- سندويشات واطباق بتشهي: برغر،بيتزا، وجبات لحم ودجاج شرقية وغربية.
- السلطات الفريش: فتوش، تبولة، سلطة مكسيكية.
- المشروبات السخنة والباردة: عصير طبيعي، كوكتيلات ، قهوة أو شاي.
وبالنهاية، إذا بدك شي حلو لتختم فيه تجربتك، جرب الحلويات مثل معمول، كنافة نابلسية، سلطة فواكه..
تجربة إنسانية وذوقية ما بتنتسى
إذا كنت عم تدور على مكان فيه كل اللي بتحتاجه من أكل طيب، أجواء رايقة، وطاقة إيجابية، مطعم سوسيت هو المكان اللي لازم تزوره داخل دمشق. هون بتعيش تجربة من الحب والإبداع، وبتشوف كيف المجتمع ممكن يتغير لما نوفر الفرص لناس قادرين يقدموا أفضل ما عندهم بقلوب مليانة محبة وشغف.
الموقع: حديقة تشرين – باب السلام، دمشق
للتواصل والحجز +963 992 291 991
سوسيت: لما الحب والعمل يلتقوا مع بعض بتجربة مميزة ما بتنتسى.
انبسطت بهالمقال؟ تأكد تزور قسم #وين نروح على موقعنا لتشوف المزيد!