وين نروح
فندق إنانا التراثي: أكبر وأجمل البيوت الدمشقية!
بدمشق القديمة، وبين حاراتها العتيقة حد الكنيسة المريمية، بتلاقي فندق إنانا التراثي كشاهد على تاريخ المدينة العريق. بيت عمره أكتر من 500 سنة، هالبيت الدمشقي كان بالأصل ملك للدولة العثمانية، وبعدها بالقرن ال ١٩انتقلت ملكيته لعائلة الجاجاتي اليهودية ، واليوم صار فندق خمس نجوم وواحد من أكبر وأجمل البيوت الدمشقية بيجمع بين الأصالة والفخامة مع لمسات معمارية بتاخد العقل.
هندسة معمارية بتاخدك لعصر تاني!
من لحظة دخولك على أرض الدار ، رح تنبهر بالفن المعماري الدمشقي الأصيل، من الأقواس والزخارف، لروح البيت الشرقي يلي بتخليك تعيش سحر البيوت الدمشقية القديمة بكل تفاصيلها، وبتعكس عبقرية الهندسة الدمشقية يلي كانت وما زالت مصدر إلهام لكل عشاق التراث. ومع كل هالأصالة، الفندق مجهز بأحدث التقنيات يلي بتضمن أعلى مستويات الراحة والأمان لضيوفه.
غرف بلمسة فنية تراثية
الفندق بيضم ٢٨ غرفة منها جناح رئاسي وجناح ملكي وأجنحة صغيرة، كل وحدة منها تحفة فنية بحد ذاتها، بتجمع بين التاريخ والحداثة، بأثاث شرقي أنيق، ونوافذ بتفتح على سحر الشام.
فطور على أصوله مع أجواء الشام الأصيلة
ما بيكمل الصباح بفندق إنانا إلا مع أطيب فطور شامي على أصوله، وسط أجواء ولا أروع، وعلى أنغام صوت النافورة يلي بتزيّن أرض الدار، وبتضيف لمسة فنية خالدة لكل البيوت الدمشقية القديمة.
مكتبة إنانا.. ملاذ عشاق الكتب والهدوء
وإذا كنت من عشاق القراءة، ما في أجمل من مكتبة إنانا، يلي بتقدملك مجموعة كتب مختارة بعناية، بمكان مريح وهادي بياخدك لعالم تاني.
الخدمات يلي بتخلي تجربتك استثنائية
- فندق خمس نجوم بأجواء دمشقية أصيلة
- مكتبة لعشاق القراءة والاسترخاء
- مطعمان تراثيان للإفطار والغداء والعشاء بأجواء شرقية ساحرة
- إنترنت فايبر عالي السرعة لكل الضيوف
- خدمة صف السيارات مجاناً
- مكان مثالي للحفلات، الفعاليات، والمعارض
الموقع: دمشق القديمة – جنب الكنيسة المريمية
للحجز والاستفسار +963 967 960 960
إذا كنت عم تدور على إقامة راقية بقلب الشام القديمة، مع راحة وضيافة خمس نجوم، فندق إنانا التراثي بانتظارك!
انبسطت بهالدليل عن فندق إنانا التراثي بدمشق؟ تأكد تزور قسم #الشام-القديم على موقعنا لتشوف المزيد!