وين نروح
بيت الشرق: تجربة طعام شرقية بين الأصالة والعصرية
لما بتدخل على بيت الشرق، أول شي بتلاحظو هو الديكور العصري المودرن اللي بيمزج بين الجمال والتفاصيل الدقيقة. المكان مصمم بطريقة تحسسك كأنك جاية على بيت دمشقي لـ تجربة طعام شرقية بلمسة عصرية وفخمة. الطاولات الداخلية مرتبة وأنيقة، أما القعدة الخارجية فبتعطيك إحساس هادي مع البحرة اللي بتنعش القلب وبتخلي الجو رائع، خاصة أيام الربيع أو المسا.
الأصناف: طعام شرقي أصيل بنكهات غنية
فطورك
إذا كنت جاية على فطور وبدك تجربة طعام شرقية، لا يفوتك البوفيه المفتوح المتنوع، اللي بيجمع كل شي بتحبو من المأكولات الشرقية الشهية.
- فلافل، سلطات منوعة، لبنة وزيتون، مكدوس، حمص، متبلات، جبنة، مربيات، ومعجنات ولا اطيب.
- بالإضافة لبيض، وفتة بسمنة أو فتة مكدوس… وكل هاد مع شاي أو قهوة فاخرة، وعزف عود حي أحيانًا، ليزيد الجو أصالة وراحة.
غداك
من المطبخ الشرقي المميز، عندك مجموعة من الأطباق الرئيسية الرفيعة:
- باسمشكات، بيف ستروغونوف، كبة لبنية، شاورما، كوردون بلو، أوزي، وكبة.
- إضافة لطبخات شامية متل فريكة، محاشي، جدي بالزيت.. وشوربات بأنواعها.
كل طبق بيجيك فريش، وبيشهي، وبيحسسك كأنك ببيت شامي دافي.
عشاك
لما تجي عالعشا، بتلاقي مقبلات شامية متنوعة مثل الفتوش، الجرجير، يالنجي وكمان اطباق اسيوية وغربية خفيفة ولذيذة.
وإذا كنت بتحب المشروبات الباردة، فيك تختار من عصير الأفوكادو، الزنجبيل مع البرتقال، أو كوكتيلات وعصائر ولا أطيب.
الحلويات
ما بتكمل الوجبة من دون حلا!
في بيت الشرق، الحلويات متنوعة ولذيذة: كريب محشي بحشوات غنية من الشوكولا والفواكه، او تشيز كيك كريمي وطعمه غني او وافل بنكهات ولا أحلى، بالاضافة لانواع كتيرة من الحلويات الشرقية يلي بتكمل الوجبة وبتخلي النهاية أحلى!
والأجواء؟ جو رايق مع ضحكة وألعاب!
الأجواء الرائعة ما بتكتمل إلا مع شويّة ضحك وسهرة، منشان هيك بيت الشرق بيقدّم لك ألعاب مسلية متل الشدة والطاولة والبرسيس، لتكمل سهرتك مع رفقاتك بأجواء حلوة ومرحة بعد تجربة طعام شرقية مميزة
الموقع: تنظيم كفرسوسة – مقابل حديقة التنظيم
للحجز: 0112111996 – 0112111969 – 0112111997 – 0996722227
بيت الشرق… هو مكانك المفضل، إذا كنت بدك أكل شرقي على أصوله، مع قعدة مريحة وأجواء مميزة.
جربه، واستمتع بلحظات ما بتنتسى
انبسطت بهالمقال؟ تأكد تزور قسم #وين نروح على موقعنا لتشوف المزيد!