رمضان بدمشق إلو نكهة خاصة، وكل حدا فينا بيحب يغير جو ويفطر برا مع الأهل والأصحاب، ويعيش الأجواء الرمضانية بأماكن بتجمع بين الراحة، الطعم الطيب، والخدمة المميزة. جمعنالك 3  من أفضل وجهات بدمشق للإفطار برمضان لأشهى الأطباق.

1. قصر السلطان : طاولة إفطار شرقية بامتياز! 

إذا كنت من عشاق المطبخ الشرقي، قصر السلطان بيقدملك إفطار ملكي بكل معنى الكلمة. الأطباق عندن بتحسها معمولة بإتقان وحرفية، بتضم أشهى المقبلات السخنة والباردة، ووجبات رئيسية بترضي كل الأذواق.

الشوربات: شوربة عدس أو شوربة خضار
المقبلات: فتوش، حمص، بابا غنوج، يالنجي، فول بالزيت
السواريهات: كبة مقلية، برك جبنة
الحلويات: حلويات رمضانية يومية
المشاريب: مياه معدنية، مشروب رمضاني، شاي أو قهوة تركية

تشكيلة واسعة من الأطباق الرئيسية يلي فيك تختار منها:

الوجبات العادية: كبسة دجاج، مندي دجاج، فريكة دجاج، كبة لبنية مع الرز، شيش برك مع الرز، باشا وعساكر، كريسبي، اسكالوب.
السعر: ٩٨٥٠٠ ليرة مع الضريبة

الوجبات المميزة: كبسة بالموزات، شاكرية بالموزات، جدي بالزيت مع الرز، يبرق وسجقات، لحمة بالصينية، منسف شامي بالموزات، شيش بالفخارة مع الرز، كوردون بلو بالبشاميل.
السعر: ١١٨٥٠٠ ليرة مع الضريبة

ولا تنسوا عروض المولوية يلي بتضيف لمسة روحانية وجمالية لهالأجواء

الموقع: مول قاسيون الجديد
للحجز والاستفسار: 0994088298 | 011.5130566 | 011.5130577

2. ديونز كلوب : أفخم وأغنى بوفيه إفطار 

إذا كنت عم تدور على بوفيه متنوع وفاخر، ديونز بوليفارد هو الخيار الأنسب! هون رح تلاقي تشكيلة غنية من الأطباق الشرقية والعالمية، من السجقات والمنسف المندي، لورق العنب مع العصاعيص، الكبة اللبنية، بيني بالكريمة، والدجاج التندوري.

الشوربات: شوربة خضار أو شوربة عدس
الحلويات: حلويات شرقية منوّعة

المشاريب الرمضانية: تمر هندي، جلاب، ليمون
وكمان في تشكيلة واسعة من المقبلات الباردة والساخنة والسلطات

السعر 179 ألف ليرة للشخص (بدون الضريبة)

الموقع: أوتوستراد المزة – مدينة الجلاء
للحجز والاستفسار: 0116623333 – 01166355555 | 0996664545 – 0936664545

3. مطعم موناليزا – إفطار شهي بأجواء رايقة! 

إذا كنت بدك إفطار مرتب، متنوع، وبسعر مناسب برمضان، مطعم موناليزا بدمشق خيارك الصح. هون رح تلاقي بوفيه مفتوح بيشمل كل شي ممكن يخطر ببالك.

الشوربات: نوعين من الشوربة
تشكيلة من المقبلات الباردة والساخنة والسلطات
الوجبة الرئيسية: اطباق مميزة متغيرة يومياً

الحلويات المتنوعة والعصائر الرمضانية
وما مننسى المولوية يلي بتكمل أجواء رمضان

السعر 75,000 ليرة للشخص

الموقع: باب توما – دخلة العازرية
للحجز والاستفسار 0955449907

رمضان كريم..وين رح تكون وجهتك للإفطار؟

رمضان فرصة لنعيش الأجواء الحلوة ونجتمع مع أهلنا وأصحابنا. سواء كنت بتحب الفخامة والأطباق المتنوعة، أو بدك إفطار شرقي على أصوله، أو حتى وجبة طيبة بسعر مناسب، هدول الخيارات الثلاثة رح يلبوا كل الأذواق.

وين ناوي تفطر اليوم!

انبسطت بهالمقال عن وجهات مميزة للإفطار برمضان بدمشق؟ تأكد تزور قسم #وين نروح على موقعنا لتشوف المزيد!