بسطرما و سجق أرمني من سيروب بدمشق: طعم مستحيل تنساه!

بمجرد ما تمشي بالصالحية بدمشق، بتشدّك ريحة سجق أرمني يلي عم يتقلّى عالصاج، وبتعرف فوراً إنك قربت على سناك سيروب ساعتها مستحيل تقاوم وما توقف وتطلب سندويشة مع كاسة عيران باردة بتكمل الطعمة!

هالمحل صار علامة مميزة بالشام من اكتر من 50 سنة ، وما زال محافظ على نفس الطعمة يلي صارت جزء من ذاكرة كل يلي داقوها ولو مرة.

ليش طعمة سيروب غير؟

القصة بلشت سنة 1968، لما فتح سيروب محل صغير واعتمد وصفة أرمنية قديمة للسجق والبسطرمة، وصار المكان الأول بالشام لهالأكلة المميزة،وخصوصاً لعشاق النكهات القوية واللحوم المتبلة على الطريقة الأرمنية الأصيلة.

والسر كله بالخلطة الأرمنية الخاصة! التتبيلة يلي بتعطي كل لقمة طعم غني مستحيل تلاقيه بأي مكان تاني. من اللحمة الفريش، للبهارات يلي انحفظ سرّها عبر الأجيال، سيروب قدر يحافظ على أصالته، وخلى زواره يرجعوا له مرة ومرتين وعشرة!

شو لازم تجرب عند سيروب؟

سندويش السجق الأرمني : سندويشة بتشدك من أول لقمة، غنية بالنكهات الحارة والبهارات المميزة
البسطرمة : لحمة متبلة بنكهة قوية ومركزة ما بتلاقيها بأي محل تاني.
روستو :لعشاق اللحم المدخّن بجودة عالية.
توشكا سجق مع قشقوان : مزيج خرافي بين السجق الأرمني والجبنة القشقوان الدايبة.
بسطرمة مع قشقوان : طعم جريء مع قوام كريمي بيخليك ترجع تطلبها كل مرة.
كاسة العيران الباردة : اللمسة يلي بتكمل التجربة وبتخليك تستمتع بكل لقمة أكتروأكتر

وين بتلاقي سناك سيروب؟

الموقع: دمشق – الصالحية – حي الشهداء
الدوام: يومياً من الساعة 8 صباحاً حتى 11 ليلاً

هاتف +963 11 331 2549

تابعوا على حساب سيروب على فيسبوك

إذا لسا ما جربت سندويش بسطرما و سجق سيروب بدمشق، فأنت فعلاً ما دقت الطعمة الصح للسجق الأرمني بالشام!

واذا زرتو قبل؟ خبرنا شو أكتر سندويشة بتحبها!

انبسطت بهالمقال عن أطيب بسطرما و سجق أرمني من سيروب بدمشق؟ تأكد تزور قسم #كول-وشكور على موقعنا لتشوف المزيد!