كول وشكور
بوظة عالصاج وشاورما شوكولا؟ تجربة حلويات جديدة ولا اطيب بدمشق!
إذا كنت من عشاق الحلويات الغريبة والجديدة، فلازم تجرب هلاماكن اللي بتجمع بين الإبداع بالطعم والجودة العالية! موجودة بدمشق القديمة بالقيمرية، ومحضريلكم تشكيلة ولا أطيب من البوظة عالصاج وشاورما شوكولا، و حلويات تانية بتستاهل تجربوها.
1. سكر زيادة: بوظة عالصاج وتجارب ولا أطيب!
بـ سكر زيادة، البوظة مو مجرد بوظة، هي رحلة نكهات بتبدا من الصاج!
البوظة عالصاج هون مميزة لأنها بتتحضر قدامك على صاج بارد كتير، وبتختار المكونات يلي بتحبها بنفسك.
إذا كنت من عشاق الفواكه، جربها مع المانجو، الفراولة، الموز، أو حتى الكيوي
وإذا كنت بتحب الشوكولا، اختياراتك واسعة: أوريو، كيت كات، أو سنيكرز..
بالإضافة للبوظة، بيقدم سكر زيادة كمان:
- كريب وجوفَر: لمحبي الحلويات الكريمية مع الكرنش.
- وافل بابلي او ستيك او بالفواكه: تجربة ولا اطيب.
- فخارة السعادة: حلاوة شرقية بطابع حديث.
- معمول بالجبنة: مزيج بين التقليدي والمبتكر.
الموقع:
القيمرية، دمشق القديمة و بالتاون سنتر–اوتستراد صحنايا
2. شوكو بوم: شاورما الشوكولا؟ لازم تجربها!
أما إذا كنت بدك تجربة حلويات بتكسر كل التوقعات، فـ شوكو بوم هو وجهتك المثالية.
- شاورما الشوكولا: تجربة غير شكل! لفائف الشوكولا مع المكونات يلي بتحبها، بتتقدم بنفس فكرة الشاورما ، بس هون الطعم بياخدك لعالم تاني.
- جبنة وبطيخ: مزيج غير متوقع بس لذيذ بشكل مدهش وخاصة بالصيفية
- بوظة بأنواعها: إذا كنت بتحب الطعم الكلاسيكي أو الغريب ع الصاج او عادية، هون الخيارات متنوعة وطيبة كتير.
شوكو بوم ما بيقدم بس حلو، هو مكان مليان أفكار مبتكرة وتجارب تخليك ترجع كل مرة.
الموقع:
دمشق القديمة، القيمرية جانب مطعم باب الحارة
زور شوكو بوم إذا كنت مستعد لتجربة حلاوة بطريقة ما بتخطر عالبال!
مين الأفضل؟ ليش تختار؟ جرب الاثنين!
زور سكر زيادة لتجربة حلويات والبوظة العصرية عالصاج، ومرّ على شوكو بوم لتعيش متعة شاورما شوكولا بدمشق. كل محل عنده نكهته الخاصة وأجواءه اللي بتخليك تعشق الحلويات أكتر وأكتر.
إذا جربتهم، خبرونا شو أكتر شي عجبكم!
إذا عجبك هالمقال عن حلويات جديدة ولا اطيب بدمشق، شوف أفضل محلات الكنافة بدمشق.