وين نروح
حديقة سرية بقلب الشام: قلال كتير يلي بيعرفوها
مين قال إنك بحاجة لترك البلد لتلاقي مكان بيريح النفس وبعيد عن الضجيج؟ بريف دمشق، بين أحضان الطبيعة، بتلاقي حديقة سرية و هي حديقة حمشو، واحدة من أجمل الأماكن بالشام اللي بتجمع بين الجمال والبساطة. قليل يلي بيعرفوا عنها، لكن اللي بيعرفها ما بينساها أبداً لانها حديقة بتجنن بتفاصيلها وبطبيعتها يلي كأنها قطعة من الجنة.
شو المميز بحديقة حمشو؟
هالحديقة هي ملاذ طبيعي بامتياز. مساحات خضراء واسعة، أشجار بتعانق السما، وبحيرات صغيرة بتضيف لمسة ساحرة للمكان. سواء كنت بدك تهرب من زحمة الحياة، أو بدك مكان مميز تاخد عليه عيلتك أو أصحابك، حديقة حمشو هي خيارك الأول.
الدخول مجاني: الجمال متاح للجميع
الحلو بالموضوع إنه الدخول مجاني تماماً، ما في رسوم ولا حواجز. بس تعال واستمتع بالمكان، خود راحتك، وعيش اللحظة مع هدوء الطبيعة وأصواتها.
- بحيرات صغيرة ساحرة: المي العذبة والصوت الهادئ بيخلوك تحس إنك بمكان بعيد عن العالم.
- ممرات للمشي والركض: جو مثالي للتمشاية أو حتى الركض الخفيف.
- زوايا هادئة: لمحبي القراءة أو التأمل بعيد عن الضجيج.
- مساحات لعب للأطفال: إذا معك أطفال، في أماكن آمنة ليلعبوا ويستمتعوا.
- جلسات بين الأشجار: لتمضية وقت مميز مع الأصدقاء أو العيلة.
شوف الجمال بنفسك
إذا بدك تلقي نظرة قبل ما تزور الحديقة، شوف الفيديوهات يلي بتعرض جمال الحديقة من فيديو انستغرام أو جولة اليوتيوب وتخيل نفسك هونيك.
كيف توصل للحديقة السرية بالشام؟
حديقة حمشو موجودة بريف دمشق ع طريق الصبورة، المكان سهل الوصول ومثالي لرحلة يومية بسيطة. سواء كنت من سكان دمشق أو عم تزور المدينة، هالحديقة لازم تكون على قائمتك.
عيش تجربة مختلفة
ما في أجمل من الطبيعة لتستعيد نشاطك وتهرب من الروتين. حديقة حمشو هي المكان اللي بيجمع بين هدوء النفس وجمال الطبيعة. جهز كتابك، ترمس القهوة، أو حتى تعال لتاخد نفس عميق.
زور حديقة حمشو… ورح تكتشف سحر الشام بلمسة طبيعية ما بتتكرر!
لكل يلي بحب الطبيعة، زوروا قسم طبيعة سوريا على الموقع!