كول وشكور
دكتور مختص بأطيب الأكلات و الفتات: وين موجود بالشام!
إذا كنت من عشاق الأكل الشامي على اصولو، وبتحب الفتات الشامية على انواعها :فتة بدوة ,فتة فقسة اوالتسقية بسمنة ولحمة فإنت أكيد لازم تجرب “دكتور الفتات ” بالشام ، المكان يلي لقمة ورا لقمة بيخليك تحس بنكهات الشام الحقيقية.
الفتة إلها حكاية… وحكايتها عند الدكتور غير!
عند دكتور الفتات بالشام، الفتة مو بس أكلة عادية، هي تجربة بتعيشها بكل تفاصيلها.فتة بلحمة غنم وسمنة عربي أصيلة بتدفّي قلبك، اوفتة بدوة يلي ريحتها بتفتح الشهية من بعيد .وللناس يلي بتعرف طعمة الفتة على أصولها، ما رح تلاقي ألذ من فتة الفقسة، ، مع مكسرات غنية بتعطي الطعم طابع مميز ما بينتسى. هون، كل فتة بتحكي قصة عن التراث الشامي وعن الطعمة يلي بتاخدك لذكريات الدفا واللمة الحلوة. إذا كنت من عشاق الفتة الشامية، المكان هون بيجمعلك كل الأنواع بنكهات بتخليك ترجع من جديد!
سفرة متكاملة لكل الأذواق!
المنيو ما بيوقف عند الفتة… جرب السودة بالفخارة يلي ريحتها لحالها بتخليك تبتسم، أو البيض باللحمة يلي ما بتتفوت طعمته. أما النقانق والنخاعات بالسمنة، فهي قصة لحالها.
الفطور على أصوله!
إذا كنت من عشاق الفطور الشامي، عند دكتور الفتات بالشام كل شي بتتخيله موجود:
- فول او حمص مع زيت زيتون معتق.
- بيض مع عسل تجربة جديدة ما بينشبع منها.
- زيتون وفتة كشكة وكشكة خضرا
- محمرة ،مسبحة، متبل، بابا غنوج، ومخللات بتكمل السفرة.
جلسة بترد الروح!
المكان عنده مو بس أكل، هو تجربة متكاملة. من لحظة دخولك، بتحس بنظافة المكان ودفا الأجواء. برد، شوب، مطر أو حتى تلج
الدكتور مجهز كل شي كرمال صحتك وراحتك. بالصالة الداخلية، فيك تقعد إنت وعيلتك وتاكلوا بدفا حتى بعز البرد. وإذا كنت مستعجل أو بعيد، خدمة التوصيل بتوصلك الطعم اللذيذ لعندك وين ما كنت!
وين بتلاقوا:
الموقع: دمشق – شارع بغداد – مقابل كازية الأزبكية.
للطلب والتواصل: 0992456641
تابعوا “دكتور الفتات” على إنستغرام لتشوفوا كل جديد.
“دكتور الفتات”… هون الأكل مو بس بيفتح النفس، كمان بيبقى بالذاكرة! إذا كنت بالشام، خلي هالمكان أول محطة لتجرب أطيب الفتات الشامية على أصولها.
انبسطت بهالمقال عن مطعم الفتات الشهية بالشام؟ تأكد تزور قسم #كول-وشكور على موقعنا لتشوف المزيد!