بتتذكروا؟
آيات عاجي
This article is also available in English. Switch Language

 7 مسلسلات شامية محفورة بذاكرتنا لليوم 

المسلسلات الشامية قصص درامية و نافذة مفتوحة على حكايات الماضي، عادات الأجداد، وطقوس الشام القديمة. عبر السنين، قدمت الدراما السورية سلسلة من الأعمال الشامية يلي خلت المشاهدين يعيشوا أجواء الحارات الدمشقية ويحبوا تفاصيلها.

خلينا نستعرض أهم 7  مسلسلات شامية قديمة أثرت فينا و بقيت بذاكرتتنا لليوم 

1. أيام شامية (1992)

البداية كانت مع “أيام شامية”، العمل اللي يعتبر حجر الأساس في دراما البيئة الشامية. المسلسل تناول قصص الحارات الدمشقية، وصوّر القيم الإنسانية مثل النخوة والتعاون، بمشاركة نخبة من النجوم مثل عباس النوري ورفيق السبيعي.

2. باب الحارة (2006 – 2017)

أكتر مسلسل شامي مشهور عربيًا و صار جزء من ذاكرة المشاهد العربي . أداء الفنانين السوريين والنجم سامر المصري بشخصية أبو شهاب خلّاه جزء من كل بيت. و اكيد غناء الشارة بصوت صاحب الحنجرة الذهبية عاصم سكر و الفنان عدنان الحلاق لعبت دور كبير بنجاح المسلسل .

3. ليالي الصالحية (2004)

الخير والشر في صراع دائم بـ”ليالي الصالحية”. العمل ركّز على مفهوم “الأمانة” وكيف ممكن تتحول حياة الناس بسببها. بطولة بسام كوسا بشخصية “المخرز” كانت من أبرز أدوار المسلسل.

4. الخوالي (2000)

“الخوالي” من الأعمال اللي جمعت بين الترفيه والرسائل العميقة. المسلسل تناول نضال أهل الشام ضد الظلم والفساد. شخصية “نصار” اللي أداها بسام كوسا كانت رمزًا للشجاعة والنخوة.

6. أولاد القيمرية (2008)

دراما تناولت حكايات حارتين متجاورتين، و العلاقات المعقدة بين أهلها. المسلسل كان مليان تفاصيل حياتية بتظهر أصالة الشام وأخلاق أهلها  و المسلسل  بطولة عباس النوري.

7. حمام القيشاني (1994)

“حمام القيشاني” حكاية شامية صورت أحداث حارة بنفس الاسم، وركزت على قضايا اجتماعية وسياسية بدمشق زمان. المسلسل كان من إخراج هاني الروماني وتأليف دياب عيد، وحقق نجاح كبير ونال جائزة بمهرجان تكريم الدراما السورية.

8. بيت جدي (2008)

المسلسل صوّر أحداث حي الميدان، أحد أعرق أحياء دمشق، في فترة الثلاثينيات. بيحكي قصة عائلة تسكن بمنزل واحد وتعيش قضايا مثيرة .بطولة : بسام كوسا، ناجي جبر، وفاء موصللي

مسلسلات البيئة الشامية جزء من تراثنا وذاكرتنا. بتاخد  المشاهد العربي رحلة للحارات الدمشقية القديمة بكل تفاصيلها. 

كم مرة تابعت مسلسل الخوالي؟

شو أكتر مسلسل شامي بتحس إنه ما بيتكرر؟ شاركنا ذكرياتك!

انبسطت بهالمقال عن مسلسلات شامية؟ تأكد تزور قسم #بتتذكروا؟ على موقعنا لتشوف المزيد!