كول وشكور
آيات عاجي
This article is also available in English. Switch Language

تريند الفواكه و الخضار المجففة بالشام… تجربة ما بتتفوت!

 الفواكه و الخضار المجففة بالتبريد عم تلفت الأنظار بكل الأسواق، والسناك الطبيعي والصحي صار مطلب الكل كنوع من أنواع التسالي الخفيفة مع قرشة و طعمة طيبة بكل الاوقات

اذا قررتوا تجربوه جربوه من افضل المحلات بالشام:

1. محمصة البارودي 

إذا كنت عم تدور على أجود أنواع الفواكه والخضار المجففة، محمصة البارودي بساحة عرنوس هي المكان المثالي.

  • الفواكه المجففة بالتبريد هون بتحافظ على النكهة الطبيعية والقوام المقرمش. جرب المانجو، الكيوي، الفريز وغيرها.
  • أما الخضار المجففة، فهي سناك صحي وخفيف، مثالية للمكتب أو البيت.

كل المنتجات طبيعية وبدون أي إضافات، وبتحس كل لقمة متل قطعة من الطبيعة.

📍 العنوان: دمشق – ساحة عرنوس – داخل مرآب عرنوس
📞 للتواصل: 0991788053

2. محمصة الخاني 

محمصة الخاني صارت وجهة محبي السناك الصحي. هون بتلاقي تشكيلة رائعة من الفواكه والخضار المجففة يلي معمولة بعناية:

  • الفراولة، الموز، والأناناس المجفف يلي بيخلّيك تحس بنكهة الفواكه الفريش
  • الخضار المجففة مثل البامية والجزر والكوسا بتكون مثالية كبديل صحي للتسالي.

الخاني دايمًا بيركز على الجودة والطعم، وما بتمر زيارة إلا بتاخد معك شي مميز.

📍 العنوان: مهاجرين – سكة موقف الشمشية
📞 للتواصل: 991018023

3. بيت الكرم البزورية

 

بأقدم أسواق الشام، بيت الكرم البزورية صار محطة لكل محبي المنتجات الفاخرة، والفواكه المجففة واحدة من أبرزها.

  • هون بتلاقي كل شي من التين، التمر، والجوز، لحتى الموالح والشوكولاتة يلي بتجمع بين الطعم والجودة.
  • الفواكه المجففة والمقرمشة عندن بتخلّيك تحس إنك بأحلى رحلة نكهات.

سوق البزورية بحد ذاته تجربة تاريخية، وبيت الكرم بياخدك لمستوى تاني من التميز.

📍 العنوان: دمشق – سوق البزورية – خان الصواف
📞 للتواصل+963 933 322 767

ليش لازم تجرب الفواكه والخضار المجففة؟

  • سناك صحي خفيف ومثالي للدايت  اذا تناولناه بإعتدال
  • طعم طبيعي 
  • تنوع كبير و خيارات بتناسب كل الأذواق.

وين ما كنت بالشام، لازم تجرب هالمنتجات يلي بتجمع بين النكهة والجودة. شو رأيك؟ جاهز لتجربة طعمة جديدة ومميزة؟

انبسطت بهالمقال عن الفواكه و الخضار المجففة بالشام؟ تأكد تزور قسم #كول-وشكور على موقعنا لتشوف المزيد!