كل غرض قديم كنا نشوفو بالبيت كان إلو قصة خاصة، وكل زاوية بتحكي حكاية. كل شغلة كنا نشوفا كانت بتذكرنا ببيت ستنا وجدنا. الصور يلي رح نحكي عنها اليوم بتاخدنا لورا، لبيت جدودنا وأيام كانت الحياة أبسط وكل شي فيها مليان حب ودفا …
Credits: Syrian Anchors
كانوا الستات يستخدموا الهاون المصنوع من النحاس طبعا بعد تنظيفو و تلميعو ليطحنوا الثوم والفليفلة، وكل مونة الشتوية كانت تبلش من هون متل المكدوس و غيرو.
كان هو رفيق سهرات الشتوية، ينور البيت وقت الكهربا تنقطع. كان يجمع العيلة حواليه بليالي الشام الطويلة و لما تقرب تخلص الفتيلة يعني صار وقت النوم.
من ناحية أخرى، هاد جرن الكبة و كانوا يستخدموه الستات ليعملوا أطيب كبة شامية على أصولها و هي الأكلة غالباً بيعملوها نسوان العيلة مجتمعين لأنو الطعمة بالجمعات الشامية غير.
الياسمين البلدي المزروع عالبلكونة او جنب باب الدار، كانت ريحته تفوح بكل البيت، وتقريباً ما في بيت شامي ما في ياسمينة بلدية او عراتلية.
في حدا ما بيتذكرها؟ كنا لما نزور ستاتنا و خاصة الصبح على رواق نلاقيهن عم يطرزوا مخدات و أغطية و قطع فنية بتجنن . ماكينة الخياطة هي كانت رفيقة ستي ، كانت تخيط و تصلح عليها تياب العيلة كلها.
صح هاد التلفزيون كان يجمع كل العيلة قدامه، و علاوة على كنا نقعد ونتفرج على المسلسلات القديمة و نضحك و نتسلى كلنا مع بعض. بس وقت نجتمع ببيت جدي ما يزيد وقت نشغلو والله .
كانت تيتة تاخد المخدات لعند الرسامة ترسملا عالمخدات عصافير و ورد و كلام حلو، على سبيل المثال، “صباح الخير” و” نوم الهنا “. و من بعدا تبلش تطرزهن عالماكينة يلي شفتوها من شوي و يا سلام شو كانت النومة عليهن مريحة وقت كان في راحة وهداة بال وأحلام تاخدنا لأبعد سما…
الفترينا الكبيرة يلي بالصالون أو غرفة الضيوف، مليانة صحون وزبادي أثرية ما حدا بيقرب عليها و يا ويلو يلي بيفكر يجرب شي كاسة ليشرب هههه
هالصحن كان جزء من جهاز العروس … لسا عندكن منو ؟
الساعة الكبيرة المعلقة عالحيط يلي ما كان حدا يضبطها غير جدو.
الفنجان هاد كان إلو طابع خاص، ما يطلع إلا لما يكون في ضيوف مهمين، وكانت القهوة فيه إلها نكهة خاصة غير عن باقي الفناجين.
مصنوعة من النحاس و محفور عليها آيات قرآنية و كانوا يشربو منها الولاد بعد ما يرتعبو على اساس بتروح الرعبة مع انو لما كنا نشوفها كنا نخاف نشرب منها يمكن لأنو أسمها طاسة الرعبة .
كانو يرشو فيه ماء الزهر و ماء الورد عالمعازيم بالمولد و العرس