بتتذكروا؟
آيات عاجي
This article is also available in English. Switch Language

رشا رزق: صوت الطفولة يلي كبر مع كل جيل

جيل التمانينات والتسعينات، الجيل اللي كبر على صوت رشا رزق يلي صار جزء لا يتجزأ من طفولتنا. مو بس بسوريا، رشا رزق صارت أيقونة بكل الوطن العربي من المحيط للخليج.

بدايات رشا رزق ومسيرتها مع مركز الزهرة

وُلدت رشا بدمشق سنة 1976، كبرت بعيلة داعمة للفن الأصيل، وقدرت من خلال شغلها مع مركز الزهرة للإنتاج والدبلجة تحط بصمتها على أهم أعمال الكرتون بالعالم العربي متل “دروب ريمي” و”عهد الأصدقاء” وغيرها. من ناحية أخرى، رشا مو بس غنت، رشا بنت علاقة قوية مع جيل كامل من خلال صوتها وقدرت بحنجرتها الذهبية تاخدنا من عالمنا لعالم مليان براءة وطفولة وأمان.

التنوع الفني وتطور المسيرة

كذلك وخلال السنوات، رشا ما اكتفت بالغناء للأطفال، بل استمرت بتقديم أعمال فنية متنوعة. درست الغناء الأوبرالي واشتغلت بدبلجة شخصيات كرتونية، وقدمت أغاني كتيرة ما بين الكرتون والموسيقى الجادة. ورغم إنو كان في كتير من الفنانين بالعالم العربي، رشا قدرت تتميز بصوتها الفريد، وخلت جيل كامل يعيش طفولة ما بتنتسى وكل واحد فينا اليوم عنده أغنية بصوتها بتذكرو بأيام الطفولة.

رشا رزق وحبها لموسيقى الأطفال

على سبيل المثال، عبرت رشا رزق دايمًا عن حبها للأطفال، وكانت تقول إنه الغناء للأطفال هو مشروعها الموسيقي يلي بتطمح من خلاله تربي جيل يسمع موسيقى محترمة وراقية. بكتير من المقابلات، كانت تحكي عن أهمية تقديم موسيقى بجودة عالية للأطفال لتحسين سوية الفن بالمجتمع.

أهم أغاني الطفولة اللي مستحيل ننساها:

دروب ريمي


عهد الأصدقاء


المحقق كونان

أبطال الديجيتال


أنا وأخي


القناص


دروبي دو ري مي


أغنية عن شهر ديسمبر


إيروكا


تعاونها مع زياد الرحباني ومكانتها الفنية

رغم ارتباط اسمها بالطفولة، رشا رزق ما وقفت عند غناء الأطفال. تعاونت مع الفنان زياد الرحباني، وأظهرت موهبتها المتعددة في التنقل بين الأوبرالي والموسيقى الشرقية. هالتجربة أكدت إنها فنانة شاملة، قدرت تجمع بين البراءة والرقي الفني، وتركت بصمتها كفنانة تتقن كل الألوان الموسيقية.

رشا رزق: صوت الطفولة يلي كبر مع كل جيل

في النهاية وبعد كل هالسنين، صوتها بعده حاضر، كل ما نسمع أغنية من أغانيها بنرجع لورا، لذكريات ما بتنمحى، لزمن كان بسيط وجميل. رشا رزق مو بس تركت بصمة، هي كانت الطفولة بأكملها لكل واحد فينا، وصوتها رح يضل محفور بقلوبنا اد ما كبرنا.

انبسطت بهالمقال عن صوت الطفولة رشا رزق؟ تأكد تزور قسم #بتتذكروا؟ على موقعنا لتشوف المزيد!