بالشامي
مروان سمرة
This article is also available in English. Switch Language

أمثال شامية عن شهر أيلول

إذا بدك تعرف شو يعني أيلول بالشام، لازم تكون حافظ الأمثال الشامية اللي أهلنا وأجدادنا عاشوا عليها من زمان. يعني شهر أيلول مو بس بداية الخريف والليالي اللي بتصير فيها الدنيا برد، هاد الشهر فيه حكم ودروس كل الناس بترددها.

كيف ما تحب شهر أيلول!؟ شهر بيقولوا عنه “دنبُه مبلول” يعني بياخدنا شوي من الصيف وبيحضرنا شوي للشتا. الأمتال الشامية بتخليك تحس كأنو كل كلمة فيها حكاية. خلينا نحكي شوي عن هالأمثال الشعبيّة اللي أهل الشام بيقولوا عن هالشهر.

أيلول دنبه مبلول


يعني آخر الشهر شتا. ما تفكر إنو الصيف مكمل، دايمًا آخر أيلول فيه مفاجآت.

في أيلول تموّن لعيالك وخلي الهم على بالك


شهر التحضير للشتوية. لا تهمل! خزن أكل، لأنو الجاي أصعب.

يلي ما تموّن بأيلول بيعيش عيشة بهلول


إذا ما خزنت لشهور البرد، رح تعيش متل اللي ضايع.

إذا طلع سهيل لا تأمن من السيل


بس يطلع نجم سهيل، جهز حالك للمطر. ما بقى في أمان.

بأيلول مدو الجلول


وقت الزراعة. مد الحقل وجهز الأرض للموسم الجديد.

بأيلول طار النحل والنحول


هل شي يعني بهاد الوقت النحل بيوقف شغل، وبيكون خلّص يجمع العسل. يعني صار الوقت اللي الناس بتجني فيه العسل وتستفاد منو قبل ما ينتهي الموسم.

بأيلول بيطيح الزيت من الزيتون


بداية قطاف الزيتون. أولى بشاير الموسم!

إن أبرقت على الصليب ما بتخيب


وقت البرق يظهر بعيد الصليب، استبشروا بخير الشتاء الجاي!