دمشق، مدينة الأصالة والتاريخ، مشهورة بحلوياتها الفاخرة وشوكولاها يلي ما بيتفوّت. لكل عشاق الشوكولا بقلب دمشق، في محلات بتقدّم لك طعم ما بيتنسى وبتخليك تدوب مع كل حبة. سواء كنت حابب تدلل حالك أو تهدي حدا غالي عليك، رح ناخدك جولة على أشهر وأطيب محلات الشوكولا يلي بتاخدك رحلة خاصة لعالم مليان لذة :
زنبركجي هو اسم رائد بصناعة الشوكولا بالشام. بيوفر المحل تشكيلة واسعة من الشوكولا الفاخرة يلي بتجمع بين الأصالة والجودة والمنظر الحلو .
العنوان: أبو رمانة، دمشق
الهاتف +963 11 333 8703
بشار غراوي اسم ذهبي بعالم الشوكولا الفاخرة. تشكيلة الشوكولا يلي بيقدمها مصنوعة بحرفية ودقة، وكل قطعة منها هي تجربة تذوق ما بتنتسى, وتغليفها مصمم ليناسب اصحاب الذوق الرفيع.
العنوان: ساحة عرنوس، دمشق
الهاتف 0113318333 – 0995880033
إذا كنت بدك تجربة فاخرة بالشوكولا، سليق هو المكان المناسب. بيقدملك الشوكولا بمكونات فاخرة وطعم ما بيتكرر، وكل شي بيتقدم بطريقة انيقة وراقية ومناسبة لتكون هدية مميزة, بالاضافة لانو وفر لك اطيب شوكولا دبي بالمجرة .
العنوان: المزة، دمشق
الهاتف +963 11 611 206
شوكولا تينو بتجمع بين الأصالة والجودة، وهي شركة رائدة بتقديم أفخر أنواع الشوكولا والراحة. كل زيارة للمحل بتخليك ترجع مرة تانية لتجربة الطعمة الفاخرة .
العنوان: المزرعة، المزة، المالكي، دمشق
الهاتف +963 995 856 776
محل ووترز هو واحد من أفضل الأماكن لتلاقي الشوكولا الطيبة والفاخرة. المحل معروف بجودة منتجاته وتنوعها، وبيوفرلك تجربة فريدة بطعم وشكل مميز واذا عم تدور على شوكولا دبي بتلاقيها هون بطعم دمار.
العنوان: أبو رمانة، دمشق
الهاتف +963 11 334 7447
شوكولا السرايري بيقدم أكبر تشكيلة هدايا من علب وصحون الشوكولا الفاخرة، وبتتميز الشوكولا يلي بيقدموها بنكهة خيالية. إذا كنت عم تدور على شوكولا فاخرة للمناسبات، السرايري هو خيارك الانسب.
العنوان: فرع شارع خالد بن الوليد، فرع ساحة الميسات دمشق
الهاتف +963 11 222 2324
إذا كنت من محبي الشوكولا، زيارة هالمحلات بدمشق رح تكون تجربة لذيذة بعالم الشوكولا. بين زنبركجي، غراوي، سليق، تينو، ووترز، والسرايري، أكيد رح تلاقي الطعمة يلي بتناسب ذوقك وتعيشك تجربة تذوق مميزة.