وين نروح
أطيب مطاعم شامية لطعم أصيل في دمشق
إذا كنت من عشاق الأكل الشامي وبتحب تعيش تجربة طعام أصيلة بالشام، فأنت محظوظ! المدينة مليانة مطاعم بتقدم الأكلات الشامية على أصولها، بخلطات موروثة من جيل لجيل. من المشاوي للمقبلات والأطباق التقليدية، رح تلاقي هون مطاعم بتقدملك تجربة فريدة بديكورات مميزة وطابع دافي. تعال واكتشف مطاعم شامية بتخليك تعيش كل نكهة وكأنها جزء من قصة دمشق:
1. مطعم ورد الشام Ward Al-Sham
مطعم ورد الشام بيقدّم تجربة مميزة مستوحاة من التاريخ الدمشقي العريق مع ديكورات عصرية وأجواء دافية. قائمته بتضم مجموعة من الأطباق الشرقية الشهية متل صفيحة اللحم، الكباب، الشيش طاووق، الفروج، المحاشي المتنوعة، الحمص، والفلافل. المطعم كمان بيقدّم الشيشة العربية بالنكهات المتعددة.
للحجز: +963 11 666 1166
العنوان: دمشق – مزة فيلات غربية – خلف جامع الهدى.
2. مطعم قصر النرجس KASR ALNARJES RESTURANT
هالمطعم بيقدّم أكلات شرقية متنوعة متل الحمص، الفلافل، الكبة بأنواعها (مشوية، مقلية، ونية)، اليالنجي، المحاشي، والفتات المتنوعة. بالإضافة للأطباق الشهية، قصر النرجس بيتميّز بأجواء شرقية مع موسيقى حية، وباستضافة فنانين عرب لتقديم حفلات بالقاعة والباحة الخارجية.
للحجز: +963 932 044 499
العنوان: باب توما – القيمرية – دمشق .
3. مطعم الشاميات Al Shamiat Restaurant
يعتبر من أشهر المطاعم بدمشق وبيقدّم أكلات شامية متل الكباب، الشيش طاووق، الكبة (مشوية ومقلية)، اليالنجي، الفتات بأنواعها، الصفحية، والفلافل. كمان بيقدم الحلويات الشرقية مع المشروبات السخنة والباردة.
للحجز: +963 11 222 7270
العنوان: دمشق – أبو رمانة – ساحة النجمة – شارع مجلس الشعب.
4. مطعم ست الشام Set Alsham Restaurant
مطعم ست الشام بيتميز بأطباق شرقية تقليدية منها الكبة، الشيش برك، المحاشي، والمشاوي المشكلة. المطعم بيتمتع بجلسات مريحة وأجواء هادية مع خدمة ممتازة.
للحجز: +963 11 2713888
العنوان: دمشق – أبو رمانة – خلف فندق داما روز (الميريديان سابقاً).
5. بيت جبري Beit Jabri
مطعم بيت جبري بيجمع بين الأصالة والدفء ببيت دمشقي عريق. بيقدم أكلات شامية متنوعة متل المشاوي، المناقيش، الحمص، الفلافل، الكبة بأنواعها، الشيش برك، والصفيحة. كمان بيوفر الشيشة العربية وطاولة الزهر لمحبي الألعاب التقليدية.
للحجز: +963 11 544 3200
العنوان: دمشق – خلف قصر العظم – قرب مكتب عنبر.
6. مطعم مرايا Maraya Restaurant
مطعم مرايا بيوفر أجواء مريحة مع قائمة متنوعة تشمل الشاورما، الكباب، الكبة بأنواعها، الكفتة، صفيحة اللحم، والمحاشي والسمك. المكان مثالي للعائلات والأصدقاء.
للحجز: +963 11 444 8447
العنوان: دمشق – السبع بحرات – شارع الباكستان.
7. مطعم قصر اللولو Qasr Al Loulou Restaurant
مطعم قصر اللولو بيشتهر بأطباق مشوية متل الكباب والفروج المشوي، وقائمة مليانة بالمناقيش، الفطاير، السمك المشوي، واليالنجي. الديكورات العصرية والأجواء الدافية بتخلي المكان مثالي للعائلات.
للحجز: +963 11 612 3535
العنوان: دمشق – أوتوستراد المزة – مقابل القصر العدلي.
خاتمة
إذا كنت بدك تدوق الأكلات الشامية الأصيلة ضمن أجواء مريحة ومليانة دفا، فهالمطاعم بدمشق بتقدم لك تجربة ولا اروع و ما بتنساها.