كافيهات لازم تجربوها بالشام

مشوار مع رفقاتنا او غدا مع أركيلة أو حتى مجرد قعدة على فنجان قهوة عالسريع، فهدول أربعة من احلى الـ كافيهات بالشام 

Sign:

اكل طيب وقعدة حلوة بالصيف والشتا، ومحل قريب بنص الشام إذاً sign هو المكان يلي عم تدوروا عليه بساحة الشلال بالمزرعة الأكل بشهادة كل يلي جربوه لا يعلى عليه والمكان مودرن ومرتب. 

زيتونة:

كمان بالمزرعة مقابل نادي الوحدة، المطعم قعدته رائعة ومطبخه الشرقي والغربي كتير مميز وطريقة التقديم غير شكل الديكور حلو كتير وخرج صور انستغرام. 

Mkani: 

بعجقة شارع الثورة وتحديداً بمجمع يلبغا، في مكان بياخد العقل أكل طيب وديكور مرتب اسمه مكاني. 

Marble:

المرة الجاي لما تروحوا على الشام سنتر ضروري تجربوا ماربل، كل أنواع القهوة الباردة والسخنة والحلو اللي بياخد العقل موجودين بهالمكان.

Galliard:

اما بمول المالكي فأكيد أكيد لازم تزوروا غاليارد، هالمحل مناسب كتير لصبحية مع الصبايا او سهرة مع الشباب مع منيو متنوع وطريقة تقديم طالعة من انستغرام.