ذكريات الطفولة مع 18 من ألعاب الفيديو القديمة: أحلى أيام عشناها

مين فينا ما بيتذكر اللحظات يلي كنا نرجع فيها من المدرسة، نشيل الشنطة وننطلق لعالم الألعاب يلي كان ياخدنا بعيد عن الدروس والواجبات؟ ألعاب الفيديو القديمة اللي بأول الألفينات كانت أكتر من مجرد تسلية، كانت جزء من ذكرياتنا الحلوة يلي لسا محفورة ببالنا. خلونا نستعرض مع بعض أشهر الألعاب يلي كبرنا عليها:

1. الضفدعة (3D Frog Frenzy)

كانت بسيطة وفكرتها عبقرية: تساعد الضفدع يعبر الطريق والنهر بدون ما يصطدم بالسيارات أو يغرق. كلما كان التحدي أصعب، كانت المتعة أكبر.

2. هركليز (Hercules)

لعبة المغامرات المستوحاة من فيلم ديزني، كانت مليانة تحديات وألغاز، وكنا نحاول نهزم الوحوش ونعيش مغامرة البطل هركليز بكل حماس.

3. الأرانب (jazz jackrabbit)

عالم غريب ومليان مغامرات، كنا نحب شخصية رايمان ونستمتع بالتحديات الغريبة والرسومات الملونة يلي كانت تاخدنا لعالم مختلف.

4. المروحة الشقية (AirXonix)

التحكم بمروحة صغيرة وإغلاق المربعات بدون ما تلمسك الكرات. كانت اللعبة تستهلك تركيزنا بالكامل وبتخلينا نحس بإنجاز حقيقي لما ننتقل للمستوى التالي.

5. سوبر ماريو (Super Mario)

ما في طفل ما لعب سوبر ماريو. مغامرات بسيطة مع ماريو ولويجي، والهدف كان إنقاذ الأميرة. هاللعبة كانت بداية حبنا لألعاب الفيديو.

6. حرب الخليج (Metal Slug)

أكشن من نوع خاص، كنا نلعبها على الكمبيوتر أو البلايستيشن، ونحارب جنود وآلات ضخمة، مع رسومات بسيطة وموسيقى مميزة.

7. كيف تخنق جارك (Neighbours from Hell)

كان الهدف الأساسي في اللعبة إنك تعمل مقالب بجارك بدون ما يكتشفك. الضحك يلي كنا نعيشه مع كل مقلب كان لا يوصف

8. تيكن (Tekken)

لعبة القتال الأشهر، كنا نتنافس مع أخواتنا أو أصحابنا، وكل واحد كان عنده شخصيته المفضلة. كانت أجواء الحماس توصل للسما

9. من سيربح المليون

لعبة مستوحاة من البرنامج الشهير، كنا نحاول نجاوب على الأسئلة لنربح المليون الافتراضي، وكل جواب صحيح كان يخلينا نحس إننا عباقرة.

10. طرازان (Tarzan)

لعبة مليانة مغامرات بالغابة، كانت ممتعة ومليانة ذكريات مع طرازان وشخصيات الفيلم.

11. الكورة اليابانية (Winning Eleven)

أول تجربة لكرة القدم الإلكترونية، كانت تخلينا نحس إننا مدربين محترفين، ونعيش أجواء المباريات العالمية.

12. جي تي إي (GTA)

لعبة مليانة أكشن وحماس، كانت تعطينا حرية مطلقة نستكشف المدن ونعيش المغامرات.

13. زوما (Zuma)

اللعبة يلي كانت تاخد كل وقتنا، نحاول نصيب الكرات المتشابهة ونمنعها توصل للنهاية. كانت لعبة تركيز وأعصاب.

14. كلاو (Claw)

قصة القرصان القط يلي بيحاول يحصل على الكنز. لعبة ممتعة بتجمع بين الأكشن وحل الألغاز

15. لعبة الدجاج (Chicken Invaders)

مين بينسى حرب الدجاج الفضائية؟ كنا نحاول نخلص كل المستويات ونقضي على جيش الدجاج.

16. الموتسيكلات (Road Rash)

سباق موتسيكلات كان كله إثارة وضرب، وكل سباق كان عبارة عن مغامرة.

17. النطاط (Icy Tower)

لعبة بسيطة وفكرتها إنك تطلع على أعلى برج ممكن. كانت مسلية ومليانة تحدي.

18. لعبة أكل الماس (Digging jim)

جمع الماس والهروب من الوحوش. لعبة كلاسيكية كانت تخلينا نجلس ساعات قدام الشاشة.

شو أكتر لعبة كنت تحبها؟ شاركنا ذكرياتك وأحلى لحظاتك مع ألعاب طفولتك!

انبسطت بهالمقال عن ألعاب الفيديو القديمة؟ تأكد تزور قسم #بتتذكروا؟ على موقعنا لتشوف المزيد!