حديقة الجاحظ بدمشق

حديقة الجاحظ هي جوهرة خضراء وسط الشام، ورا مكتبة الأسد بحي المالكي، بتطل على مجموعة كبيرة من المطاعم والمقاهي يلي بتعطيها جو راقي ومميز. الحديقة مشهورة بجمالها وبالمسطحات الخضراء الواسعة والزهور والأعشاب اللي دايماً مشذبة ومروية ومنظرها بياخد العقل. 

سبب التسمية:

الفنان عفيف بهنسي نحَت تمثال للأديب والفيلسوف العربي “أبو عثمان عمر بن بحر” المعروف بالجاحظ، والحديقة تسمّت بإسمه تكريماً الو وتذكيراً بأنو كان بحر من العلوم. التمثال معمول من البرونز من سنة 1986، والفنان بهنسي برع بتجسيد تفاصيل وجه الجاحظ وجحوظ عينيه.

معلومات عن حديقة الجاحظ:

حديقة الجاحظ بتتميز بموقعها القريب من مركز المدينة، ومساحتها الواسعة اللي بتستقبل فيها المحليين والسياح اللي بيحبوا يقضوا وقت بالطبيعة. الحديقة هي متنفس للكبار والصغار، وفيها كل شي ممكن يخطر على بالك من مرافق ترفيهية. فيها ملاعب للأطفال، ومسارات طويلة للمشي، برك مياه صناعية، بتخلي وقتك فيها ممتع ومريح. 

إذا كنت من محبي الطبيعة وبدك تهرب من ضجة المدينة، ما في أحلى من هي الحديقة لتقضي وقت ممتع وسط الخضرة والزهور. الأجواء هنيك هادية ومريحة، والجو منعش بكل معنى الكلمة. سواء كنت لحالك أو مع عيلتك وأصحابك، حديقة الجاحظ هي المكان المثالي لتقضي فيه وقتك وتستمتع بأحضان الطبيعة بالشام.