بيت جن: الجوهرة المخفية على سفوح جبل الشيخ

بيت جن، هالقرية السحرية الموجودة على سفوح جبل الشيخ بدمشق، وحدة من أحلى المناطق السياحية بسوريا. بتبعد عن مركز العاصمة حوالي 50 كم .اسم “بيت جن” جاي من البيوت المخفية يلي ما بتبين إلا لما تفوت عالقرية، وهالشي بيزيدها جمال وغموض.

لما توصل لبيت جن، بيلفت نظرك صوت المي العذبة من الأقنية يلي بتروي بساتينها، وريحة أوراق الجوز والنعنع البري بتعبق المكان. القرية فيها مجموعة من الينابيع والعيون والجداول، وهاد الشي بيخليها مكان مثالي للسيرانات الشامية، خصوصي نهار الجمعة.

الطبيعة الخلابة والمعالم السياحية

بفضل موقعها المميز بـ جبل الشيخ، بيت جن بتضم كتير معالم سياحية حلوة. من أبرزها نبع “رأس العين” يلي بينبع من سفح تلة مرتفعة بالجهة الغربية للقرية، وبيتفرع لجداول بتروي الأراضي الزراعية. كمان مغارة “المنبج” شرق القرية، تعتبر من أجمل المعالم، فيها كهوف محفورة بالصخر وبينبع منها نهر بيفيض بالشتي، وهي مقصد للسياح والزيارات الدينية.

أهم الأماكن اللي لازم تزوروها ببيت جن

لما تزوروا بيت جن، في عدة أماكن لازم ما تفوتوها. أولاً، نبع “رأس العين” يلي مياهه باردة وعذبة، ومناسب للسيرانات العائلية. مغارة “المنبج” كمان مكان ما بيتفوت، فيه كهوف رائعة ومناظر طبيعية خلابة. نهر “الأعوج” يلي بيسقي الأراضي الزراعية وبيعمل مناظر طبيعية رائعة. والخبرية الحلوة صار في عنا زيب لاين بالشام وصار فيكن تجربوا ركوب الحبل المعلق لما تزوروا بيت جن.

السياحة والمقاصف الشعبية

على جوانب الطريق المؤدي لبيت جن، بتلاقي المقاصف والمنتزهات الشعبية العاجئة بالزوار، خاصة بالصيف والربيع. هالأماكن بتوفر للزوار فرصة للاستمتاع بجمال الطبيعة والهواء النقي، والأجواء الهادية. متل “منتزه الأمسيات و منتزه الرحمن بيقدموا تجربة فريدة للزوار، وبتنبسطوا بالسيران والأجواء الريفية الحلوة.

بيت جن بـ جبل الشيخ مو بس قرية، هي لوحة طبيعية بتجمع بين جمال الطبيعة وسحر التاريخ، مكان بياخد الزوار برحلة عبر الزمن ليعيشوا تجربة فريدة ما بتنتسى.