بالفيديو: هيك صار بيت الفصول الأربعة الشهير

مين فينا ما بيذكر مسلسل الفصول الأربعة؟ عادل، كريم، جميلة، ونادية وغيرهم من الشخصيات! حفرت ذاكرتنا وزيّنت شاشات التلفزيون السوري، عدا عن أغنية الشارة اللي بترجعلنا الحنين للشام. مسلسل عبّر بكل معنى الكلمة عن الحياة بكل بيت سوري وبكل مشاكلو وخبارو وتفاصيلو – لمّة العيلة، بيت الجد، ريحة الشام، الحنين للماضي، وياريت ترجع هديك الأيام!

لما كنّا نجتمع مع العيلة ونتفرّج ع الفصول الأربعة ونضحك كلنا مع بعض، نحس بشخصياتو القريبة ع القلب كأنن منّا وفينا وعايشين معنا.

كل حلقة كانت تحمل معها لحظات من الفرح والحزن، وتذكرنا بأيام الطفولة البسيطة. كنا نتعلق بشخصياتها ونشعر وكأننا جزء من عائلتهم.

النقاش بعد كل حلقة كان يضيف لمسة من الدفء على الجلسات العائلية، ويخلي الكل يشارك برأيه. هالمسلسل ما كان بس ترفيه، بل كان رابط يجمعنا، ويخلينا نتواصل مع بعض ونشارك الذكريات والأحاسيس. بالفعل، كانت لحظات لا تُنسى تجسد روح العائلة والتواصل بينّا.

يا ترى كيف صار هالبيت اليوم؟ رح نورجيكن من خلال مقطع فيديو كيف صار بيت الفصول الأربعة، واحد من أشهر بيوت سوريا والبيت اللي كلنا عشنا فيه. أّول مرة بتدخل كاميرا على هالبيت من ٢٤ سنة، والفيديو من تصوير ماجد العجلاني. حضرو هون:

من الصالون اللي جمع أفضل نجوم سوريا، غرفة عمتي جميلة ومرايتها، غرفة غراض كريم، مرجوحة مريم وسوسو، الطبخ اللي تكسروا فيه الصحون، حسيتو بالدفا ما هيك؟

كانت أجمل الأيام! خبرونا، شو كانت مسلسلاتكن السورية المفضلة؟

شوفوا كمان، مسلسلات سورية كبرنا عليها .. تعوا نتذكرها سوا