اقترحات وين تقضوا شهر العسل بسوريا

إذا كنت عم تخطط لـ شهر العسل داخل سوريا، عندك خيارات بتجمع بين التاريخ العريق، الجمال الطبيعي، والأجواء الرومانسية. خلينا نحكي عن ثلاث أماكن رح تخلي شهر عسلكم ما بينتسى

دمشق القديمة

دمشق القديمة هي الوجهة الأولى اللي لازم تكون على قائمتكم وتحديداً بواحد من الاوتيلات الكتيرة الموجودة بالمدينة القديمة يل كانت بالاساس بيوت وتحولت لفنادق بتجمع بين التراث القديم والديكور والخدمة العصرية الجو هنيك بيخليكم تحسوا وكأنكم رجعتوا بالزمن لورا وبتعيشوا تجربة مليانة حب وهدوء.

وادي قنديل

من دمشق مننتقل للبحر، وتحديداً لواحد من أجمل الأماكن الطبيعية بسوريا: وادي قنديل باللاذقية. هالمنطقة الساحلية بتتميز بشواطئها الرملية الناعمة والمياه الزرقا الصافية. إذا كنتوا من عشاق البحر والطبيعة، وادي قنديل بيقدم لكم مكان مثالي للاسترخاء بعيد عن العجقة والضجة الشاطئ هنيك هادئ ورومانسي، وبتقدروا تقضوا يومكم بالسباحة وتعملوا برونزاج وبالليل تستمتعوا بجلسة عشاء رومانسية تحت النجوم. مؤخراً في كتير مطاعم وفنادق ومحلات سهر بالوادي وفيكم تختاروا منها المكان المناسب الكم.

نسمة جبل

أما إذا كنتوا بتحبوا الجبال والهواء النقي، نسمة جبل بالقرداحة باللاذقية بـ سوريا هو المكان المثالي لتقضوا فيه شهر العسل. المنطقة معروفة بإطلالاتها الخلابة والجو الهادئ اللي بيخليك تحس أنك بالجنة، المنتجع اللي بيوفر كل وسائل الراحة مع المحافظة على البساطة والطابع الريفي. استمتعوا بمشي بين الغابات، أو اقضوا وقتكم بالاسترخاء على بلكون بتطل على الجبال وتشوفوا غروب الشمس. هالمكان مثالي إذا كنتوا عم تدوروا على شهر عسل هادي ورايق.